by
Vawiin zet zawng nizan kan thupui vai a fuh deuh bawk nen rilru ah hnathawhna lam alang lo khawp mai. Ni e, nizan khan kum 1992 kuma class X ho facebook-ah kan group kan tlawh tliar tliar a, hunrei tak inhmu tawhlo leh chanchin inhre pawh tawn ngailo kan inbe khawm zawng kan mengrei e. Kei takngial pawh dar 2 dawnah ui tawkin ka mu chauh anih kha. Thiante nen kan high school kallai kan han sawikhawm leh chu ka hriattawh mangloh thil engngemawzah ka hrechhuak leh a. Ka ngawihbopui mai chuan a bo hlen mai ang tih hlauvin hei kan thai vel chu ani a. Khang hunlaia kan thiante khan han chhiar ve vek thei se ka ti khawp mai.
St.johns high school ah ngei uniform kekawr dum leh kamis var ha-in, nectice dum awrh chungin khawvela lehkhathiamber ang mai khan kan han lut phei thin kha ania. Kan sikul kal lam atang reng hian kan hot phei tawh thin, pawlsawm…senior most kha kan ni tawh bawk a, kan junior tleirawl hmeltha kan tih deuhte chu midang hriat deuh larh khan a hmeltha kan tih thu kha kan han sawi a. Kan hnuaia mite tan kha chuan hmeltha lo tihve ngamna chi ani tawh lo reng reng.
Tukhum sam zuah kan kalpel chiah a, chalsam zuah, alaia bari then uar lai kha ani a. Kekawr tlang kan tizuih zo chiah…rawngdanga kekawr kan zawmarh lai ani bawk a…sikul lama kan star ruk deuh, an hnenah kan sawi ngam chuan siloh te hmuhtheih ngei turin an hmah thianho kan han kal a, inla Boss deuh taka thiante ipte ah tir chunga an hriat ngei tura tilpawr aw…pa deuh hrak a han nuih kha anuam thlawt ani. A chang leh an thianzaho kalho dal dal hnungah pa angreng takin kan han zui a, kan cowboy thawnthu chhiar rilru a hrerengin a kak thei angbera kal chungin a tul thuta phawi mai thei tur niawm hian kan han inring a. Kan huai deuh changte kha chuan an sam chhawllengte pawh kan va khawih sak thin kha maw.
Classroom kan thleng ta….a rik hian kan ri hut hut a. Silchar vai bazar an sawi chu nepte, kan ri teng tung mai ta thin a, kan zirtirtu thenkhat kan bengchheng lutuk rawn khap tum lah bo lo. Class tandar anlo ri a,minutes 15 duhduh zirna hun an ni phawt a.chutah class teacher Bro.Thomas-a, a tuai em avanga Bro.Rosemare kan vuah kha a rawn nui lut deuh sawng a, intithei taka roll-call a zawh hnuin nitin kan tihthin Prayer kan han sawirual a, ni kan hman tan ta tak tak thin.
Kan class-ah khan unau phir in ang tak mai Apuia leh Atea an awm a, an inkarah khan kumkhat ka thu a, chuti chung chuan tuzawk nge Apuia ni a Atea ni ka chiang theilo kumtluan zak mawle…a hnu feah ka hre ve thei chauh nia..an inang ngang ani. Bialnu nei ta se an bialnu te an buai ve ngawt ang a” tih khan kan sawiho fo thin reng ani.
Ka kawmchhak ngaihzawng: Hei zet zawng tute emaw sahuat petsak palhna ani ang tih a hlauh awm e…mahse ziah ngei thain ka hre si, an duhleh min hau mai mai teh se…Chuan leh, kan class ami ngei mai ahming lamtawi LC-i kha kan kawmchhak maiah an awm a, keipek hian kalo THINLAI deuh tlat mai alom mawle.. Zak chung chung khan kan thianpa Enga ho ngaiin ata tur liau liau Love Letter kan han ziak ta a..a thlum ve khawp mai. Kha letter kha tuber nge va pe tih pawh ka chiang tawh lo. Engmah chhanna arawn thawnlet mai si lo. A hmulo anih te kan ring rum rum kha a nia. A lehkhazir chunga a hmuhtheih ngei tura kan tualzawla Basket Ball ka khelh laite kha aw…amah lah hian a sawi tam a mang silo va…Amah avang khan ‘Duhlai LC” tih hla te kha a hlu thin teh ania.
(Kan thian thenkhatten mual minlo liamsan ta reng mai a, an ngaihawm mange…engtikah mah heng hunte hi Chatuan pawhin kan tawng leh tawh dawnlo ani tih lo hria ila kan am deuh tur ania le…Ka thiante, kum 1992 a ka zirpui zawng zawngte in zavaiin dam zel teh u…he article tawite hi intan ka hlan e)
No comments:
Post a Comment